Info zur Registrierig
Zum sich uf dere Websiite z'registriere sind folgendi Agabe nötig. Benutzername (=Clanname), Nachnamä, Vornamä, Geb-Datum, E-Mail, Ort, Kanton und "über mich".
Im Fäld "Über mich" wär interessant z.B. Bruef, Alter, Familie etc. (sozsäge e churzi Vorstellig über sich selber). Dademit chönnt au Neuzuekömmling eus kennelerne, ohni dassmer das im Chat muess mache. Wenn öpper Unklarheite het, dörf problemlos bi de Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein! (zur Zyt sind das de Lord Vader und M@gicSäGreitest) per Mail nagfröget werde. Natürli mit entsprechende Gwährleistig vom Date-Schutz.
Alli die Agabe blibet streng vertaulich bim Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!. Bis uf Administratore und Treff-Mänätscher het susch niemmer innerhalb oder usserhalb vom Clan Zuegriff uf die Date. Telefonnummer und Adressagabe werdet bloss für d'Kontaktufnahm bime Clanträffe benötigt. Das isch alles freiwillig. Falls öpper nöd sini privati Mailadresse wötti ageh, chan die Person au e Mail-Adresse bi Gmail, Hotlink, oder ähnlichem löse. Uf de Kontaktlischte (im Member-Bereich) werdet bloss User-Name, Clanrang, Profilbeschiibig (Über mich), de Wohnort und Kanton agäh. Eusi Registrier-Aleitig git meh Uskunft, was usgfüllt werde muess.
Bi Clanustritt werded alli Date sofort glöscht.
Mit de Registrierig chömed ihr au Zuegriff uf d Biitrag-Erfassig über. Es sind all wo Luscht händ härzlich iglade, sich a dere Websiite aktiv z beteilige. Nur wenn si läbt machts au Spass und dafür simmer uf eui Mithilf agwiise.
Nutzed au eusi Kommentarfunktion. Als registrierte "Helvezianer" chönd Ihr für jede Biitrag en Kommentar abgeh. Was Eu gfallt, nöd gfallt und so wiiter. Bringed det au Euri Idee und Vorschläg i. Mir freued Eus uf viili Aregige!